's Kripperl
Buam, holts Wurzeln, Moos und Rindn,
Fang ma o zum Kripperl baun,
Werds im Wald scho 's Richtig' findn,
müaßts hoid umanandaschaugn.
Vader, hol an Stall vom Bodn.
Muadda, pack d' Figurn schnell aus.
Dirndl, nimm a Stückerl Lodn,
mach a Hirtenmanterl draus!
Schau, dem Engerl feiht oa Flügel,
und der Ochs hod bloß ao Ohr.
Des Kamel dort hod koan Zügel,
und a Brettl feiht am Tor!
Da, im Jesuskind sein Winderl
nisten frech de Mottn drin.
Und im Handerl vo dem Kinderl
sitzt a dicke, fette Spinn!
Putzts mir ja an Stall recht sauber,
gebts an Josef sei Latern!
Und am Dachfirst drobn der Tauber
muaß a besser festgemacht werdn!
Mehlsand brauch ma no fürs Wegerl.
Baamerl pflanz ma überalln.
Und beim Bacherl dort des Stegerl
müaß ma a no übermaln!
Schee is unser Kripperl wieder,
's glanzt und strahlt, ois waar's ganz neu!
Heiland, steig getrost hernieder,
mir ham scho a Platzerl frei!
Ich wünsche allen ein ruhiges und besinnliches Weihnachtsfest
Viele Grüße
PA2001
Buam, holts Wurzeln, Moos und Rindn,
Fang ma o zum Kripperl baun,
Werds im Wald scho 's Richtig' findn,
müaßts hoid umanandaschaugn.
Vader, hol an Stall vom Bodn.
Muadda, pack d' Figurn schnell aus.
Dirndl, nimm a Stückerl Lodn,
mach a Hirtenmanterl draus!
Schau, dem Engerl feiht oa Flügel,
und der Ochs hod bloß ao Ohr.
Des Kamel dort hod koan Zügel,
und a Brettl feiht am Tor!
Da, im Jesuskind sein Winderl
nisten frech de Mottn drin.
Und im Handerl vo dem Kinderl
sitzt a dicke, fette Spinn!
Putzts mir ja an Stall recht sauber,
gebts an Josef sei Latern!
Und am Dachfirst drobn der Tauber
muaß a besser festgemacht werdn!
Mehlsand brauch ma no fürs Wegerl.
Baamerl pflanz ma überalln.
Und beim Bacherl dort des Stegerl
müaß ma a no übermaln!
Schee is unser Kripperl wieder,
's glanzt und strahlt, ois waar's ganz neu!
Heiland, steig getrost hernieder,
mir ham scho a Platzerl frei!
Ich wünsche allen ein ruhiges und besinnliches Weihnachtsfest
Viele Grüße
PA2001
